Raza Musani 
واشنگٹن: امریکی صدر ڈونلڈ ٹرمپ نے دھمکی دی ہےکہ اگر ایران نے اڑتالیس گھنٹوں کے اندر آبنائے ہرمز کو مکمل طور پر نہیں کھولا تو اس کے پاور پلانٹس پر حملہ کریں گے۔ امریکی صدر ڈونلڈ ٹرمپ نے اپنے بیان میں کہاہے کہ امریکا ایران کے مختلف پاور پلانٹس کو مرحلہ وار تباہ کردے گا۔ سب سے پہلے ایران کے بڑے بجلی گھر کو نشانہ بنایا جائے گا۔
ٹرمپ کی دھمکی پر ایران نے جواب میں کہا کہ ٹرمپ نے ایسا کیا تو مشرق وسطیٰ میں امریکا کے توانائی انفرا اسٹرکچر کو نشانہ بنایا جائے گا۔ پاسداران انقلاب نے جواب دیا ہےکہ خطے میں اسرائیل وامریکا کا توانائی اسٹرکچر ملیا میٹ کردیں گے۔ اس سے پہلے ٹرمپ نے کہا تھا کہ وہ مشرق وسطیٰ میں فوجی کارروائیوں کو ختم کرنے پر غور کر رہے ہیں۔ جو ممالک آبنائے ہرمز استعمال کرتے ہیں اس کی حفاظت وہ خود کر لیں۔
