وسطی غزہ نشانے پر، مزید 7 فلسطینی شہید، پانچ روز میں کم از کم 70 فلسطینی بچے شہید

غزہ : صیہونی فوج نے شمالی کے بعد اب وسطیٰ غزہ میں حملے بڑھادئے ہیں۔ نصیرات کیمپ اور اطرف کے علاقوں پر فضائی حملوں میں سات فلسطینی شہید ہوگئے۔ صیہونی فوج نے شمالی غزہ میں شجاعیہ۔ البریج کیمپ اور جبالیہ پر بھی فضائی حملے کئے جس میں کئی فلسطینی زخمی ہوگئے۔
پندرہ ماہ سے جاری جنگ میں شہدا کی تعداد چھیالیس ہزار پانچ سو پینسٹھ ہوگئی ہے۔ اسرائیلی حملوں کی وجہ سے ہزاروں متاثرین کے ملبے تلے دبے ہونے کا خدشہ ہے جو ایمرجنسی اور سول ڈیفنس ٹیموں کے لیے ناقابل رسائی ہیں.
غزہ کی شہری دفاعی ایجنسی کا کہنا ہے کہ اسرائیل نے گزشتہ پانچ دنوں میں کم از کم 70 فلسطینی بچوں کو شہید کیا۔ شمالی غزہ کے جبالیہ کیمپ میں دو حملوں میں پندرہ بچے جان سے گئے۔