او آئی سی کی غزہ میں اسکول پر اسرائیلی حملے کی مذمت

جدہ : اسلامی تعاون تنظیم نے غزہ میں اسکول پر اسرائیلی حملے کی مذمت کرتے ہوئے اسے بین الاقوامی انسانی قانون کی کھلی خلاف ورزی قرار دیا ہے۔ او آئی سی نے ایک بیان میں کہا کہ عالمی برادری، بالخصوص اقوام متحدہ کی سلامتی کونسل، سے مطالبہ کیا کہ وہ اپنی ذمہ داریاں ادا کرے اور فوری، جامع اور پائیدار جنگ بندی کو یقینی بنائے۔
او آئی سی نے غزہ تک بلا رکاوٹ انسانی امداد کی فراہمی اور اسرائیلی افواج کے مکمل انخلا کا مطالبہ بھی دہرایا۔ او آئی سی نے کہا کہ اسرائیلی حکام کے خلاف بین الاقوامی فوجداری انصاف کے نظام کو فعال کیا جائے۔ تنظیم کے مطابق جنگی جرائم میں ملوث تمام ذمہ داران کو انصاف کے کٹہرے میں لایا جانا ضروری ہے تاکہ وہ سزا سے بچ نہ سکیں۔