Raza Musani 
سری نگر : مقبوضہ کشمیر میں قابض ہندوستانی فورسز نے تین نوجوانوں کو جعلی مقابلے میں شہید کردیا۔ بھارتی فورسز نے مقبوضہ وادی کے ضلع شوپیاں کے علاقے مونجھ مارگ میں جعلی مقابلے کا ڈرامہ رچایا۔ فوجی اہلکاروں نےعلاقے کے محاصرے اور گھرگھر تلاشی کے دوران تین نوجوانوں کو حراست میں لیا اور کچھ دیر بعد انہیں جعلی مقابلے میں شہید کردیا۔ قابض انتظامیہ کا کہنا ہے تینوں نوجوانوں کا تعلق لشکر طیبہ سے تھا۔ ان سے اسلحہ بھی برآمد کرنے کا دعویٰ کیا گیا ہے۔ ہندوستانی فوجیوں نے علاقے کے داخلی اور خارجی راستوں کی ناکہ بندی کررکھی ہے جبکہ موبائل اور انٹرنیٹ سروس کو بھی معطل کررکھا ہے۔
