10 فیصد سے کم کورونا مثبت کیسز والے شہروں سے پابندیاں اٹھانے کا فیصلہ

کراچی : کراچی سمیت 6 شہروں کے سوا ملک بھر سے کورونا پابندی ختم کردی گئیں، نیشنل کمانڈ اینڈ کنٹرول سینٹر نے 10 فیصد سے کم کورونا مثبت والے علاقوں سے پابندیاں اٹھانے کا نوٹیفکیشن جاری کردیا ان شہروں میں 300 افراد کیساتھ ان ڈور تقریبات ہوسکیں گی، آؤٹ ڈور تقریبات میں 500 افراد شریک ہوسکیں گے۔ ان شہروں میں گلگت، مظفرآباد، مردان، کراچی، حیدرآباد اور پشاور شامل ہیں۔ 12 سال سے کم عمر بچوں کے تعلیمی ادارے کورونا ایس او پیز کیساتھ کھلے رہیں گے،کم شرح والے علاقوں میں مکمل ویکسین شدہ افراد کو ان ڈور ڈائننگ کی اجازت ہوگی، سینما،مزارات مکمل ویکسین شدہ افراد کیلئے کھلے رہیں گے، ان ڈور اسپورٹس سرگرمیوں کی اجازت ہوگی،این سی او سی نے 10 فیصد سے زائد کورونا مثبت کیسز والے شہروں کی فہرست جاری کردی جہاں پابندیاں برقرار رکھنے کا فیصلہ کیا گیا ہے۔