Raza Musani 
تہران : سعودی عرب اور ایران کے درمیان تعلقات میں تیز رفتار پیشرفت کا آغاز ہوگیا ہے۔ ایرانی وزیر خارجہ حسین امیر عبداللہیان کا کہنا ہے کہ سعودی عرب نے تہران کیلئے نئے سفیر کی نامزدگی کردی ہے وہ جلد ہی اپنی ذمہ داریاں سنبھال لیں گے۔ انہوں نے کہا کہ ایران نے بھی ریاض کیلئے سفیر کی جلد ہی تعیناتی کا فیصلہ کیا ہے جبکہ تہران میں سعودی سفارتخانے دوبارہ کھولنے کی تیاریاں مکمل ہوچکی ہیں ۔ تفصیلات کا جلد اعلان کیا جائے گا۔ انہوں نے کہاکہ دونوں ممالک کے تعلقات کی بحالی عظیم مواقع فراہم کرتی ہے۔ جس سے نہ صرف دونوں ممالک بلکہ خطے کو فائدہ پہنچے گا۔ ادھر ایرانی وزیر خزانہ احسان خاندوزی کی قیادت میں وفد جدہ پہنچ گیا ہے۔ وفد سعودی حکام کے ساتھ دوطرفہ ملاقاتیں کرے گا اور اسلامی ترقیاتی بینک کے اجلاسوں میں شرکت کرے گا۔
