انقلاب اسلامی اور حجاب مخالف نرگس محمدی کیلئے امن کا نوبل انعام

اسٹاک ہوم: نوبل انعام کی کمیٹی نے ایران میں انقلاب اسلامی اور حجاب مخالف نام نہاد انسانی حقوق کی کارکن نرگس محمدی کو امن کے نوبل انعام سے نواز دیا۔ نرگس محمدی 2003 کی نوبل امن انعام یافتہ شیریں عبادی کی زیرِ قیادت غیر سرکاری تنظیم ڈیفنڈرز آف ہیومن رائٹس سینٹر کی نائب سربراہ ہے۔ نرگس محمدی کو انقلاب کیخلاف اقدامات پر 13 بار گرفتار کیا گیا اور 5 مقدمات میں 31 سال قید اور 154 کوڑوں کی سزا سنائی گئی۔ نرگس کو 2019 کے پرتشدد مظاہروں میں مارے گئے افراد کی یاد میں منعقدہ تقریب میں شرکت پر گذشتہ سال نومبر میں گرفتار کیا گیا تھا۔ محمدی اس وقت تہران کی جیل میں ہیں۔