Raza Musani 
پشاور: وزیر اعظم شہباز شریف نے کہا ہے کہ وفاقی حکومت عسکری قیادت کے ساتھ ملکر خیبر پختونخوا کے عوام کے مسائل حل کرے گی، خیبر پختونخوا میں جو قدم اٹھایا گیا، قانون و آئین اِس فیصلے کا اختیار دیتا ہے۔ فیڈرل ایپکس کمیٹی کے اجلاس سے خطاب میں وزیراعظم شہباز شریف نے کہا کہ وفاقی حکومت، عسکری قیادت کے ساتھ ملکر خیبر پختونخوا کے عوام کے مسائل حل کرے گی۔ وزیراعظم نے اجلاس سے خطاب کرتے ہوئے کہا کہ خیبر یختونخوا دہشتگردی ، بنیادی عوامی سہولیات کی عدم دستیابی سے بہت متاثر ہے، مجبوری میں صوبے میں ایمرجنسی اور گورنر راج نافذ کرنا پڑا۔ وزیراعظم نے صوبہ کی صورتحال کا ذکر کہا کہ چند برسوں میں جو حالات پیدا کر دئیے گئے اس کی وجہ سے یہ صوبہ بہت متاثر ہے۔ چھ برسوں میں جو حالات پیدا کئے گئے اُس کے بعد امن و امان کو بہت نقصان پہنچا۔
