Raza Musani 
صنعا: یمن کے صوبے تعز کے گورنر قاضی احمد المساوی نے اعلان کیا ہے کہ صوبے کے گیارہ اضلاع سے سعودی حمایت یافتہ فورسز کو نکال دیا گیا ہے، جبکہ آمدورفت کے بیشتر راستے دوبارہ کھول دیے گئے ہیں۔ المساوی کے مطابق، تعز کے قبائلی شیوخ، عمائدین اور بااثر شخصیات کی درخواست پر رابطہ سڑکوں کو محفوظ بنانے اور انہیں دوبارہ کھولنے کے اقدامات کیے گئے ہیں۔ انہوں نے بتایا کہ سعودی فورسز اور ان کے حمایت یافتہ گروہوں کی جانب سے بند کیے گئے 19 راستوں میں سے صرف القصر– الکمب– المدینہ کا راستہ اب بھی مکمل طور پر بند ہے۔ گورنر تعز نے مزید کہا کہ حیفان– طور الباحہ اور القبیطہ–طور الباحہ کے راستے بھی جزوی طور پر کھول دیے گئے ہیں۔
