غزہ کی تقسیم کا کوئی منصوبہ قابل قبول نہیں، مصری وزیرخارجہ

قاہرہ : مصر نے غزہ پٹی کو تقسیم کرنے کے کسی بھی منصوبے کی سختی سے مخالفت کی ہے اور کہا ہے کہ یہ اقدام ہرگز قبول نہیں ہوگا۔ مصری وزیر خارجہ بدر عبد العاطی نے یورپی یونین کی نمائندہ کاجا کیلس کے ساتھ قاہرہ میں مشترکہ پریس کانفرنس میں غزہ معاہدے کے پہلے مرحلے پر تیزی سے عمل درآمد کی ضرورت پر اتفاق کیا۔ انہوں نے رفح کراسنگ کو دونوں سمتوں میں کھولنے اور غزہ کے انتظام کے لیے کمیٹی کے جلد اعلان سمیت دوسرے مرحلے کو جلد شروع کرنے کی اہمیت پر زور دیا۔ عبد العاطی نے سوڈان میں فوج اور رپیڈ سپورٹ فورسز کے درمیان جاری تنازع پر بھی توجہ دلائی اور خبردار کیا کہ ملک یا خطے کو مزید عدم استحکام سے بچانے کے لیے کسی بھی تقسیم یا متوازی اداروں کی حمایت ناقابل قبول ہے۔