ہرمز میں امریکی مداخلت کسی بھی ملک کو قبول نہیں، محسن رضائی

تہران : ولی امر مسلمین آیت اللہ سید مجتبیٰ خامنہ ای کے مشیر محسن رضائی نے کہا ہے کہ آبنائے ہرمز میں امریکی مداخلت کسی بھی ملک کے لیے قابل قبول نہیں۔ آبنائے ہرمز کا انتظام خطے کے ممالک کا حق ہے اور اس کا امریکا سے کوئی تعلق نہیں۔ محسن رضائی نے آبنائے ہرمز پر امریکی کردار کو مسترد کر دیا۔ محسن رضائی نے دعویٰ کیا کہ یورپی ممالک بھی آبنائے ہرمز میں امریکی مداخلت کی حمایت نہیں کرتے۔ انہوں نے کہا کہ دنیا اس آبی گزرگاہ سے فائدہ اٹھاتی ہے، لیکن اس سے امریکا کو مداخلت کا حق نہیں ملتا۔ ان کا کہنا تھا کہ آبنائے ہرمز خلیج فارس کا داخلی راستہ ہے اور دیگر عالمی بی گزرگاہوں سے مختلف حیثیت رکھتی ہے۔ محسن رضائی نے سوال اٹھایا کہ امریکا کو خلیج فارس اور آبنائے ہرمز میں موجودگی کی ضرورت کیوں ہے۔ انہوں نے کہا کہ ایران آبنائے ہرمز میں کسی بھی امریکی موجودگی کو شک کی نگاہ سے دیکھتا ہے اور کشیدگی اب بھی برقرار ہے۔