نئی دہلی: کورونا کا پھیلاؤ، ہفتے اور اتوار کو کرفیو نافذ کرنے کا فیصلہ

نئی دہلی: بھارت میں نئی دہلی حکومت نے کورونا کے پھیلاؤ کے باعث ہفتے اور اتوار کے روز کرفیو نافذ کرنے کا فیصلہ کرلیا ہے۔ بھارتی میڈیا رپورٹس کے مطابق کورونا وائرس کے نئے ویرینٹ اومی کرون نے دنیا بھر کو اپنی لپیٹ میں لینا شروع کردیا ہے جبکہ انڈیا میں وبا کے باعث ہلاکتوں کی تعداد میں مزید اضافہ ہونا شروع ہوگیا ہے۔رپورٹس میں بتایا گیا کہ نئی دہلی حکومت نے کورونا وائرس کے مزید پھیلاؤ کو روکنے کے لئے ہفتے اور اتوار کے روز کرفیو لگانے کا فیصلہ کیا ہے جبکہ دفاتر کو اسٹاف آدھا کرنے اور گھر سے کام کروانے کی ہدایات جاری کردی گئی ہیں۔