Raza Musani 
تہران : ایرانی وزیر خارجہ عباس عراقچی نے برطانوی ہم منصب یوویٹ کوپر سے ٹیلی فونک رابطے میں واضح کیا ہے کہ ایران مذاکرات کے لیے تیار ہے، بشرطیکہ یہ ایران کے قانونی حقوق کے احترام پر مبنی ہوں۔ عباس عراقچی نے کہا کہ ایران کے پرامن جوہری پروگرام کے حوالے سے برطانیہ، فرانس اور جرمنی نے غیر ذمہ دارانہ رویہ اختیار کیا ہے۔ انہوں نے کہا کہ ایران نے کبھی مذاکرات سے انکار نہیں کیا اگر وہ اس کے عوام کے قانونی حقوق اور جائز مفادات کے احترام پر مبنی ہوں۔ تاہم عراقچی نے واضح کیا کہ تہران یکطرفہ دباؤ یا مسلط کی جانے والی شرائط پر مبنی مذاکرات قبول نہیں کرتا۔ برطانوی فارن سیکریٹری نے ایران کے جوہری معاملے کو حل کرنے کے لیے سفارت کاری کے استعمال کی ضرورت پر برطانوی موقف کا اعادہ کیا۔
