ایران میں یوم القدس پر لاکھوں افراد سڑکوں پر، صدر سمیت اعلیٰ قیادت کی بھی بھرپور شرکت

تہران : امریکا کا پروپیگنڈا ایک بار پھر ناکام ہوگیا۔ مسلسل فضائی حملوں اور بمباری بھی ایرانی قیادت اور عوام کو خوفزدہ نہ کرسکی۔ امریکی وزیرِ جنگ پیٹ ہیگسیتھ کا یہ دعویٰ کہ ایرانی قیادت خوفزدہ ہو کر بنکرز میں چھپ گئی ہے، اس وقت ریت کی دیوار ثابت ہوا جب یومِ القدس کی ریلیوں میں ایرانی صدر مسعود پزشکیان، سیکریٹری قومی سلامی علی لاریجانی، چیف جسٹس اور وزیرِ خارجہ عباس عراقچی سمیت دیگر قیادت کسی سیکیورٹی حصار کے بغیر عوام کے درمیان نظر آئے۔ ایرانی حکام القدس کی ریلی میں بلا خوف و خطر سڑکوں پر کھلے عام گھومتے رہے۔ شہریوں کے ساتھ مصافحہ کرتے رہے اور سیلفیاں بھی بنواتے رہے۔
یوم القدس پر نماز جمعہ کے بعد ایران کی سڑکیں مظاہرین سے بھر گئیں۔ ایرانی پرچم اٹھائے لاکھوں مرد و خواتین نے امریکا او اسرائیل کیخلاف ریلیاں نکالیں اور فلسطینیوں سے اظہار یکجہتی کیا۔
تہران۔ شیراز۔ اصفہان سمیت مختلف شہریوں میں ریلیاں نکالی گئیں۔ شرکا نے امریکا اور اسرائیل کیخلاف نعرے لگائے اور نئے سپریم لیڈر آیت اللہ مجتبیٰ خامنہ سے وفاداری کا عہد کیا۔