Raza Musani 
تہران : ایران میں موساد کے آپریشنل نیٹ ورک کے رکن کو پھانسی پر چڑھا دیا گیا۔ علی اردستانی ولد احمد کو، جو ملکی حساس معلومات اسرائیلی خفیہ و سیکیورٹی ادارے موساد کو فراہم کرنے کے جرم میں مجرم قرار پایا تھا، سپریم کورٹ سے توثیق اور قانونی تقاضے مکمل ہونے کے بعد سزائے موت دے دی گئی۔
اردستانی کو سوشل میڈیا کے ذریعے موساد کے خفیہ اور دہشت گرد نیٹ ورک نے بھرتی کیا تھا، جہاں وہ مقررہ رقوم اور بے بنیاد وعدوں کے عوض موساد کے لیے مختلف کارروائیاں انجام دیتا رہا۔ موساد کے افسران کی ہدایات پر اس نے مخصوص مقامات کی تصاویر اور اہداف سے متعلق معلومات موساد کے حوالے کیں، اور ہر کارروائی کے بعد اسے ڈیجیٹل کرنسی میں ادائیگی کی جاتی تھی۔ وہ موساد کے افسران کے ذریعے ایران میں ایک معلوم شناخت کے حامل فرد سے مختلف مقامات پر بالمشافہ ملاقات کرتا، اکٹھی کی گئی معلومات، تصاویر اور ویڈیوز اس کے سپرد کرتا اور بعد ازاں نئے مشنز حاصل کرتا تھا.
