تحریک جہاد اسلامی کے سربراہ کی سید حسن نصر اللہ سے ملاقات

بیروت : تحریک جہاد اسلامی کے سربراہ نے حزب اللہ لبنان کے سیکریٹری جنرل سید حسن نصراللہ سے ملاقات کی ہے۔ ملاقات کے دوران رہنماؤں نے صہیونی حکومت کے خلاف مزاحمت کو تقویت دینے کے لئے مشاورت اور ہم آہنگی کو جاری رکھنے پر زور دیا۔ دونوں فریقوں نے صیہونی مخالف کارروائیوں اور ان میں اضافے کو سراہا۔ فریقین نے اس بات پر زور دیا کہ فلسطینی قوم اور فلسطینی مزاحمت کاروں نے غاصبوں اور اس کی مجرم فوج کے خلاف جس بہادر اور دلیری کے ساتھ مقابلہ کیا وہ قابل تعریف ہے۔زیاد النخالہ کوحال ہی میں دوسری مرتبہ تحریک جہاد اسلامی کا سیکریٹری جنرل منتخب کیا گیا ہے۔ انہوں نے اس بات پر زور دیا کہ قابض دشمن کے خلاف مسلح جدوجہد اور مزاحمت مسئلہ فلسطین کے حل ہونے تک جاری رہے گی اور فلسطینی عوام جلد ہی اپنے صبر و استقامت کا نتیجہ دیکھے گی۔