Raza Musani 
اسلام آباد: ایران اور امریکا کے درمیان ثالثی کی کوششوں کے حوالے سے پاکستانی فیلڈ مارشل عاصم منیر کل تہران کا دورہ کریں گے۔ دورے کے دوران باہمی دلچسپی کے امور اور دوطرفہ تعاون کے فروغ پر تبادلہ خیال کیا جائے گا۔ ایرانی وزارت خارجہ کے ترجمان اسماعیل بقائی نے کہا ہے کہ پاکستانی فیلڈ مارشل عاصم منیر کا دورہ خطے میں امن وسلامتی کے فروغ کے لیے پاکستان کی کوششوں کا تسلسل ہے۔ اسماعیل بقائی نےکہا کہ فیلڈ مارشل عاصم منیر کے دورے کا مقصد پاکستان اور ایران کے درمیان دوطرفہ تعاون کو مزید مضبوط بنانا ہے۔
اس سے پہلے ایرانی وزیر خارجہ عباس عراقچی اور عاصم منیر کے درمیان ٹیلی فونک رابطہ ہوا جس میں تازہ ترین علاقائی پیش رفت کے ساتھ ساتھ مغربی ایشیا میں امن، استحکام اور سلامتی کو بڑھانے کے مؤثر طریقوں پر تبادلہ خیال کیا گیا۔
