Raza Musani 
میلبرن : آسٹریلیا میں سکھوں کی اکثریت نے ہندوستان سے علیحدگی کے حق میں ووٹ دیدیا۔ سکھس فار جسٹس کے زیر اہتمام آسٹریلیا کے شہر میلبرن میں خالصتان ریفرنڈم کا اہتمام کیا گیا۔ ووٹنگ سینٹر سے فلنڈرز اسٹریٹ اسٹیشن تک ووٹرز کی قطاریں لگی رہیں۔ ملک سے آنے والے 60 ہزارسے زائد سکھوں نے خالصتان ریفرنڈم میں ووٹ دیا۔ سکھس فار جسٹس کے مطابق ریفرنڈم کیلئے مقرر کر دہ وقت ختم ہونے کی وجہ سے 15ہزار کے قریب ووٹرزووٹ کاسٹ نہیں کر سکے۔ ووٹرز نے کہا کہ امید ہے کہ کہ انہیں بھی بھارت میں اپنے لیے علیحدہ وطن خالصتان کے لیے ووٹنگ میں حصہ لینے کا موقع کا دیا جائے گا اور اسکے لیے ایک اور دن مقرر کیا جائے گا جس کا اعلان بعد کیا جائے گا۔ ریفرنڈم مہم خالصتان نواز ”سکھس فار جسٹس “کی طرف سے پوری دنیا میں چلائی جا رہی ہے۔
