Raza Musani 
لندن : برطانیہ کے امدادی ادارے آکسفیم نے کہا ہے کہ اسرائیل نے گذشتہ ماہ صرف تین امدادی ٹرکوں کو غزہ میں امداد تقسیم کرنے کی اجازت دی۔ آکسفیم نے کہا ہے کہ تین ماہ میں صرف چونتیس امدادی ٹرک غزہ میں داخل ہوئے لیکن اسرائیلی فوج کی طرف سے جان بوجھ کر تاخیر اور منظم رکاوٹوں کی وجہ سے صرف بارہ ٹرک ہی خوراک اور پانی تقسیم کرنے میں کامیاب ہوسکے۔ ادارے کا کہناہے کہ وہ 6 اکتوبر کے بعد سے شمالی غزہ میں امداد فراہم کرنے میں ناکام رہا ہے۔ دسمبر کے آغاز سے انہیں گھروں اور پناہ گاہوں میں پھنسے ہوئے لوگوں کی کالیں موصول ہو رہی ہیں جہاں خوراک اور پانی مکمل طور پر ختم ہو چکا ہے۔
