Raza Musani 
تہران : ایران نے جوابی حملوں میں کویت۔ اردن اور بحرین میں امریکی تنصیبات پر میزائل داغ دئے۔ کویت میں ڈرون حملے میں امریکا کا لاجسٹک اور سپورٹ مرکز تباہ ہوگیا۔ پاسداران انقلاب کے مطابق آپریشن نصر 2 کے تحت کویت میں سیٹلائٹ کمیونیکیشن سینٹر، میزائل اور فضائی دفاعی ریڈار سسٹمز، پیٹریاٹ ائیر ڈیفنس کمپلیکس اور مارس میزائل لانچ پلیٹ فارمز کو نشانہ بنایا گیا اور ان تنصیبات کو تباہ اور مکمل طور پر ناکارہ بنا دیا گیا ہے۔
کویت میں نیول جہاز پر حملے میں 4 اہلکار زخمی ہوئے۔ ڈرون حملے میں اردن کے الازرق ائیر بیس پر تعینات ایف اٹھارہ لڑاکا طیاروں کے ہینگرز کو نشانہ بنایا گیا۔ بحرین میں بھی امریکی اڈے پر حملہ کیا گیا۔ بحرین نے دعویٰ کیا ہےکہ فوج نے ایران سے آنے والے میزائل اور ڈرونز کو کامیابی سے روک کر حملوں کو ناکام بنادیا.
