Raza Musani 
خضدار : صوبہ بلوچستان کے ضلع خضدار میں عمر فاروق چوک پر ہونے والے دو دھماکوں میں 13 افرادزخمی ہوگئے ہیں۔ سیکیورٹی حکام کے مطابق نامعلوم دہشتگردوں نے پہلے دستی بم پھینکا۔ جب لوگ وہاں جمع ہوئے تو دوسرا دھماکا ہوا۔ جس میں 13 افراد زخمی ہوئے۔ بم ڈسپوزل اسکواڈ اور دیگر تحقیقاتی ٹیمیں دھماکے کی جگہ پر پہنچنے کے بعد فورسز نے علاقے کی ناکہ بندی کردی ہے۔ خضدار اسپتال انتظامیہ نے زخمیوں کے علاج کیلئے شہریوں سے خون کے عطیہ کی اپیل کی ہے،ہنگامی صورتحال کے باعث ٹیچنگ اسپتال میں ایمرجنسی نافذ کردی گئی ہے، اسپتال انتظامیہ نے زخمیوں کی تعدا د بڑھنے کا خدشہ ظاہر کیا ہے۔
