کشمیری رہنما یاسین ملک کو سزائے موت دی جائے، دہلی ہائیکورٹ میں درخواست دائر

نئی دہلی : ہندوستان کے قومی تحقیقاتی ادارے نے کشمیری رہنما یاسین ملک کو سزائے موت دلوانے کیلئے دہلی ہائی کورٹ سے رجوع کرلیا۔ جموں و کشمیر لبریشن فرنٹ کے چیئرمین محمد یاسین ملک کو نئی دہلی کی عدالت نے گزشتہ سال 25 مئی کو عمر قید کی سزا سنائی تھی۔ یاسین ملک کو دہشت گردی کی مالی معاونت، دہشت گرد تنظیم کا حصہ بننے اور دیگر مجرمانہ سرگرمیوں کے تحت مجرم قرار دیا گیا تھا۔این آئی اے نے دہلی ہائیکورٹ میں دائر درخواست میں یاسین ملک کی عمر قید کو موت کی سزا میں بدلنے کی استدعا کی ہے۔ عدالت کا دورکنی بنچ پیر 29 مئی سے درخواست کی سماعت کرے گا۔ یاسین ملک کو مارچ 2019 میں گرفتار کیا گیا تھا اور وہ اس وقت نئی دہلی کی تہاڑ جیل میں بند ہیں۔