کراچی:جمعتہ الوداع کو تحریک آزادی القدس پاکستان کی بائیک اور کار ریلی

اسرائیل کی نابودی کا وقت آن پہنچا ہے ،دنیا قبلہ اول کی آزادی دیکھے گی، مقررین
کراچی (پ ر) تحریک آزادی القدس پاکستان کے زیر اہتمام کراچی میں جمعة الوداع یوم القدس کے موقع پر آزادی بیت المقدس بائیک اور کار ریلی حکومتی احتیاطی تدابیر پر عمل کرتے ہوئے نکالی گئی، جس میں سینکڑوں افراد موٹر سائیکلوں اور کاروں کے ساتھ شریک ہوئے ،شرکائے ریلی نے سماجی دوری برقرار رکھتے ہوئے پاکستان اور فلسطین کا پرچم ہاتھوں میں تھام رکھا تھا ، شرکاءسے آئی ایس او پاکستان کے مرکزی جنرل سیکریٹری برادر علی اویس نے خطاب کرتے ہوئے کہا کہ عالمی استعماری طاقتیں مقدس سرزمین پر ناجائز ریاست کے استحکام کے لئے کوشاں ہیں تو دوسری جانب امت مسلمہ اور عرب حکمرانوں کی معنی خیز خاموشی فلسطینیوںکیلئے زہرِ قاتل ثابت ہورہی ہے، علامہ صادق تقوی نے کہا کہ انسانیت کا سب سے بڑا دشمن خود امریکا ہے اور انسانی حقوق کی پامالی کا الزام حق پرستوں پر لگانا کسی مذاق سے کم نہیں ، فلسطین کی آزادی اور یہودی سازشوں کا مقابلہ کرنے کے لئے مسلم ممالک کو ایک پیج پر آنا ہوگا۔