Raza Musani 
نیویارک: غزہ بورڈ آف پیس کے ایلچی نکولائی ملادینوف نے اسرائیل کی غزہ پالیسی کو ناقابل قبول قرار دیتے ہوئے کہا ہے کہ مسلسل اسرائیلی حملے حماس کو غیر مسلح کرنے کے عمل میں رکاوٹ بن رہے ہیں۔ نکولائی ملادینوف نے اقوام متحدہ کی سلامتی کونسل کو بریفنگ دیتے ہوئے اسرائیل پر کڑی تنقید کی۔ انہوں نے کہا کہ غزہ میں روزانہ ہونے والے اسرائیلی حملے فلسطینی شہریوں کی شہادت کا باعث بن رہے ہیں اور غیر مسلح کرنے کے عمل کو مزید مؤخر کر رہے ہیں۔ ملادینوف نے کہا کہ اسرائیل کی جانب سے غزہ میں مناسب پناہ گاہوں کے سامان کی فراہمی پر پابندیاں ناقابل قبول ہیں، جبکہ سردی قریب آرہی ہے اور بیشتر فلسطینی اب بھی خیموں میں رہ رہے ہیں۔
نکولائی ملادینوف کے مطابق غزہ میں خوراک کی صورتحال میں بہتری آئی ہے، تاہم صاف پانی، صفائی، توانائی اور خصوصاً پناہ گاہوں کی شدید ضرورت برقرار ہے۔ انہوں نے کہا کہ اسرائیل اور بورڈ آف پیس کے درمیان ممکنہ خطرات سے نمٹنے کے لیے رابطہ نظام موجود ہے، لیکن اسرائیل اسے ہمیشہ استعمال نہیں کرتا.
