Raza Musani 
تل ابیب: اسرائیل نے مستقل کے کسی بھی منصوبے میں غزہ کا سیکورٹی کنٹرول اپنے ہاتھ میں رکھنے کا اعلان کردیا۔ اسرائیلی وزیر دفاع یسرائیل کاٹز نے کہا ہے کہ غزہ کی سکیورٹی حماس کے ماتحت ہوگی نہ ہی حماس کی حکومت ہوگی۔ یہاں حماس کا کوئی فوجی کنٹرول نہیں ہوگا۔ اسرائیلی وزیر دفاع نے مزید کہا کہ ہم اس بات کو بھی یقینی بنائیں گے کہ غزہ میں بفر زونز اور کنٹرول سائٹس ہوں گی اور اس کے ساتھ ہم تمام یرغمالیوں کی رہائی اور حماس کو شکست دینے کے لیے کام کریں گے۔ کاٹز نے مزید کہا کہ غزہ اور مصر کی سرحد کے ساتھ فلاڈیلفیا محور کی سکیورٹی اسرائیلی فوج کے ہاتھ میں رہے گی۔ جس سے خطرات کو دور کرنے، سرنگوں کی کھدائی کو روکنے، دہشت گردی کے بنیادی ڈھانچے کے قیام کو روکنے میں مدد ملے گی۔
