Raza Musani 
غزہ :اسرائیل نے رفح میں فضائی حملے میں دو عمارتیں تباہ کردیں۔ خواتین اور بچوں سمیت دس افراد شہید ہوگئے۔ صیہونی فوج نے نورشمس کیمپ پر شدید حملے کئے جس میں پانچ افراد شہید ہوئے۔ اسرائیلی بحریہ نے دیرالبالح اور وسطی غزہ کے ساحلی علاقوں میں بمباری کرکے کئی عمارتیں تباہ کردیں۔ نصیرات کیمپ پر بھی صیہونی فوج نے شدید بمباری اور گولہ باری کی۔
سات اکتوبر سے جاری حملوں میں شہدا کی تعداد چونتیس ہزار سے بڑھ گئی ہے۔ میڈیا رپورٹ کے مطابق صیہونی فوج نے رفح میں غیر اعلانیہ کارروائی شروع کردی ہے اور وہ بڑے آپریشن کی طرٖف بڑھ رہی ہے۔ اسرائیلی فوج نے وعدے کے برخلاف رفح سے پناہ گزینوں کے انخلاء کا کوئی پلان فراہم نہیں کیا ہے اور پناہ گزینوں کے کیمپوں پر بھی اسرائیلی فوج مسلسل بمباری کررہی ہے۔
