Raza Musani 
نیویارک : اقوام متحدہ کے ادارے برائے انسانی رابطہ او سی ایچ اے کے مطابق غزہ میں امدادی کارروائیاں روک دی گئی ہیں۔ اسرائیلی فوج نے چھ دنوں میں سات فلسطینی علاقوں سے انخلا کے احکامات دیئے ہیں جس کی وجہ سے اس کا امدادی آپریشن شدید متاثر ہوا ہے اور اس کے لیے امدادی سرگرمیاں جاری رکھنا انتہائی دشوار ہوگیا ہے جس کی وجہ سے اس نے عارضی طور پر اپنا کام روک دیا ہے۔ کئی مقامات پر اسرائیلی فوج کی رکاوٹوں کے باعث خوراک اور دیگر ضروری اشیا اقوام متحدہ کے مراکز تک نہیں پہنچ سکی ہیں۔ شمالی اور وسطی غزہ میں غذائی قلت شدید ہوگئی ہے۔
