Raza Musani 
مقبوضہ بیت المقدس : مسجد اقصٰی میں احاطے کے اندر بارش کا پانی رسنے سے فرش کے متعدد ٹائل گر گئے۔مسجد اقصیٰ کے فلسطینی حکام نے اطلاع دی ہے کہ بارش کا پانی صبح کے وقت مسجد اقصیٰ کی چھت کے سوراخوں سے داخل ہوا اور الغوانمہ گیٹ کے قریب فرش کی کئی ٹائلیں گر گئیں۔ حکام نے تصدیق کی کہ مسجد میں بحالی کے کاموں پر اسرائیلی پابندیوں اور اس کی بنیادوں کے نیچے زیر زمین کھدائی کی وجہ سے مسائل درپیش ہیں۔ اس سلسلے میں اوقاف انتظامیہ کے نائب سربراہ شیخ ناجح بکیرات نے خبردار کیا کہ اسرائیلی قابض انتظامیہ کی جانب سے مسجد اقصیٰ میں عبادت کیلئے مختص عمارتوں اور احاطے کی تزئین و آرائش کی اجازت دینے سے انکار سے اس کے وجود کے لیے بہت بڑا خطرہ ہے.
