Raza Musani 
غزہ : غزہ میں پولیس کی گاڑی پر اسرائیلی حملے میں پولیس کے ڈائریکٹر کرنل ایاذ ابو یوسف اپنے آٹھ ساتھی اہلکاروں سمیت شہید ہو گئے۔ حملے میں چودہ اہلکار زخمی بھی ہوئے۔ غزہ کی وزارتِ داخلہ کے مطابق جنوبی اور شمالی غزہ کو ملانے والے فلاڈیلفی کوریڈور پر واقع قصبے الزوایدہ کے داخلی مقام پر پولیس کی گاڑی کو فضائی حملے میں نشانہ بنایا گیا۔ اہلکار رمضان المبارک کے دوران بازاروں کی نگرانی اور امن و امان برقرار رکھنے کی ڈیوٹی انجام دے رہے تھے۔ شہدا کی لاشوں اور زخمیوں کو الاقصیٰ اسپتال منتقل کیا گیا۔ وزارتِ داخلہ نے پولیس اہلکاروں پر حملے کو اسرائیلی فورسز کی جانب سے کیا گیا گھناؤنا جرم قرار دیا ہے۔
