اسرائیلی ائیرچیف کا حماس حملے روکنے میں ناکامی کا اعتراف

تل ابیب: اسرائیلی فضائیہ کے سربراہ میجر جنرل ٹومر بار نے 7 اکتوبر 2023 کو حماس کے حملوں کے دوران اسے نہ روکنے کا اعتراف کرلیا۔اسرائیلی نیوز چینل 12 نے اسرائیلی فضائیہ کی سات اکتوبر حملے کی تحقیقات کے ممکنہ نتائج شائع کیے ہیں۔ جس کے مطابق فضائیہ حملے کی تیاری میں ناکام رہی اور اس کا ردعمل مؤثر نہیں تھا۔ میجر جنرل ٹومر بار نے تحقیقات میں بتایا کہ 7 اکتوبر کی صبح ہمارے لیے ایک مکمل حیرت کے ساتھ شروع ہوئی۔ ہم نے حماس کے حملوں کا فوری جواب دیا۔ لڑائی اور اپنے لوگوں کو بچانے کی کوشش کی۔ مگر بدقسمتی سے ہم اس دن کافی مؤثر ثابت نہیں ہو سکے
رپورٹ کے جواب میں اسرائیلی فوج نے کہا کہ اسرائیلی فضائیہ کی تحقیقات 7 اکتوبر کی تحقیقات کا حصہ ہیں اور مکمل ہونے پر عوام کے سامنے پیش کی جائیں گی۔