Raza Musani 
انقرہ : ترک صدررجب طیب اردوان نے کہاہے کہ فلسطینی ریاست کے قیام کے بغیر اسرائیل کو امن نہیں ملے گا۔ انقرہ میں خدمات انجام دینے والے غیر ملکی سفیروں سے خطاب میں ترک صدر نے کہا کہ اسرائیل کو وہ امن نہیں ملے گا جو وہ انیس سو سڑسٹھ کی سرحدوں پر مشتمل آزاد فلسطینی ریاست کے قیام کے بغیر چاہتا ہے۔ انہوں نے کہا کہ گویا مغربی کنارے کے الحاق کے ان کے مطالبات کافی نہیں تھے جو اسرائیلی وزراء مسجد اقصیٰ کیخلاف اشتعال انگیزی کرکے آگ سے کھیل رہے ہیں. انہوں نے اس بات کا اعادہ کیا کہ تاریخی یروشلم مسجد ترکیہ کے لیے ایک سرخ لکیر ہے۔ انہوں نے کہا کہ ترکی اپنی یورپی یونین کی رکنیت کے عمل کو اسٹریٹجک ترجیح کے طور پر دیکھتا ہے، کیونکہ وہ یورپ کا لازم و ملزوم حصہ ہے۔ ترکی کے بغیر یورپ کی سلامتی ناقابل تصور ہے۔
