Raza Musani 
واشنگٹن : امریکی مبصر ٹکر کارلسن نے کہا ہےکہ امریکا میں اسلامی شدت پسندی کو بڑا خطرہ ظاہر کرنے کا بیانیہ اسرائیل اور اس کی لابی نے پھیلایا۔ ٹکر کارلسن نے ایک پوڈکاسٹ میں گفتگو کرتے ہوئے کہا کہ انہیں گزشتہ چوبیس برسوں میں امریکا میں کسی ایسے شخص کا علم نہیں جو شدت پسند اسلام کے باعث مارا گیا ہو۔ انہوں نے کہا کہ امریکا کو اصل خطرات منشیات کی زیادتی، بے روزگاری اور نوجوانوں پر فحش مواد اور ویڈیو گیمز کے اثرات سے لاحق ہیں۔ کارلسن نے کہا کہ لاکھوں امریکی ان مسائل کی وجہ سے تباہ ہو رہے ہیں نہ کہ کسی مذہبی شدت پسندی کے باعث تباہ ہورہے ہیں۔ کارلسن نے روشنی ڈالی کہ وہ یہ نہیں سمجھ سکتا کہ تمام مسلمانوں سے نفرت کرنا تمام یہودیوں سے نفرت کرنے سے بہتر کیسے ہو سکتا ہے۔
انہوں نے کہا کہ بچوں کو بمباری سے ہلاک کرنا چاہے ہیروشیما ہو یا غزہ، دونوں یکساں طور پر غیر اخلاقی ہیں۔ ٹکر کارلسن کے مطابق اسرائیل کے حامی سیاست دان حکومتِ اسرائیل کے ہر اقدام کا غیر مشروط دفاع کرتے ہیں کیونکہ وہ بنیادی طور پر انسانوں کو برابر نہیں سمجھتے۔
