Raza Musani 
واشنگٹن : امریکی وزیر خارجہ انٹونی بلینکن نے کہا ہے کہ اسرائیل اور سعودی عرب کے درمیان تعلقات کو معمول پر لانا امریکا کے قومی سلامتی کے مفاد میں ہے۔ واشنگٹن میں امریکا اسرائیل تعلقات عامہ کمیٹی کانفرنس سے خطاب میں انٹونی بلینکن نے کہا ہے کہ سعودی عرب اور اسرائیل کے درمیان تعلقات معمول پر لانے کا معاملہ واشنگٹن کے لیے انتہائی اہمیت کا حامل ہے۔ امریکا دونوں ملکوں کے درمیان تعلقات کو آگے بڑھانے میں اہم کردار ادا کر سکتا ہے۔ تاہم انہوں نے تسلیم کیا کہ بائیڈن انتظامیہ کو اس بات کی کوئی غلط فہمی نہیں ہے کہ دونوں ممالک کے تعلقات کو مکمل طور پر معمول پرلایا جا سکتا ہے۔ انھوں نے مزید کہا کہ انضمام اور معمول کے تعلقات استوار کرنے کی کوششیں اسرائیلیوں اور فلسطینیوں کے درمیان پیش رفت کا متبادل نہیں ہیں اور انھیں اس کی قیمت پر نہیں آنا چاہیے۔ بلینکن نے واشنگٹن کے اس عزم کا اعادہ کیا کہ ایران کو جوہری ہتھیار بنانے کی اجازت نہیں دی جائے گی۔ اسرائیل کی سلامتی کے حوالے سے امریکی عزم پر کوئی سمجھوتا نہیں کیا جا سکتا۔ خطے میں اسرائیل کا مزید انضمام زیادہ مستحکم، زیادہ محفوظ اور زیادہ خوش حال خطے اور زیادہ محفوظ اسرائیل میں مدد دیتا ہے۔
