اسرائیل غرب الاردن کے الحاق سے بازرہے،سلامتی کونسل

اسرائیل کا یہ فیصلہ بالکل غلط ہے، الحاق کے خطرناک نتائج برآمد ہوں گے
پیرس (نیوز ڈیسک)اقوام متحدہ کی سلامتی کونسل کے رکن فرانس، جرمنی، بیلجئیم اور ایستونیا اورسابقہ رکن پولینڈ نے اسرائیل سے دریائے اردن کے مغربی کنارے کے الحاق سے بازرہنے کی اپیل کی ہے ،مشترکہ اعلامیہ میں کہا گیا ہے کہ جب تک اسرائیل اور فلسطین کے درمیان کوئی سمجھوتہ طے نہیں پاتا ہم 1967 کی سرحدوں کے علاوہ کسی تبدیلی کو تسلیم نہیں کریں گے،مسئلہ اسرائیل اور فلسطین کے منصفانہ اور پائیدار حل کیلئے بامعنی مذاکرات کے دوبارہ آغاز کی حمایت کا اعلان کیا ہے،روس کے وزیر خارجہ سرگءلاوروف نے بھی اپنے اسرائیلی ہم منصب سے گفتگو میں الحاق پلان کی مخالفت کا اعلان کیا ہے، فرانس کے وزیر خارجہ کا کہنا ہے کہ غرب الاردن کے اسرائیل میں الحاق کے خطرناک نتائج برآمد ہوں گے اسرائیل کا یہ فیصلہ بالکل غلط ہے۔