Raza Musani 
تل ابیب : اسرائیلی فوج کے سربراہ لیفٹیننٹ جنرل ایال ضمیر نے اسرائیل ۔ حماس جنگ کا نام تبدیل کرنے کا حکم دے دیا ہے، جس پر اسرائیل میں شدید تنازع کھڑا ہو گیا ہے۔
اسرائیلی سرکاری نشریاتی ادارے کان نیوز کے مطابق ایال ضمیر نے ہدایت دی ہے کہ اسرائیل ۔ حماس جنگ کو تمام فوجی دستاویزات، بیانات اور تقریبات میں اب ۔ ”جنگِ احیاء” کہا جائے۔ رپورٹ کے مطابق اس فیصلے کا مقصد فوجی بیانیے میں لسانی یکسانیت پیدا کرنا بتایا گیا ہے۔
اس سے قبل اس جنگ کو “آپریشن سوورڈز آف آئرن” کے نام سے پکارا جا رہا تھا۔ کان نیوز کا کہنا ہے کہ نام کی تبدیلی پر اسرائیل کو تقریباً بیس لاکھ شیکل لاگت آئے گی۔ یہ اقدام سات اکتوبر میں ہلاک افراد کے اہلِ خانہ اور متعدد اسرائیلی سیاستدانوں کی جانب سے شدید تنقید کی زد میں ہے۔ اسرائیلی فوجی رونی ایشل کے والد ایال ایشل نے اسے غیرقانونی اور سیاسی حکم قرار دیا۔ ان کا کہنا تھا کہ یہ فیصلہ سیکیورٹی ناکامیوں کی ذمہ داری سے توجہ ہٹانے کی کوشش ہے۔
