Raza Musani 
دمشق: صیہونی حکومت نے مغربی شام میں حلب کے بین الاقوامی ہوائی اڈے پر کئی فضائی حملے کیے اور تنصیبات کو میزائلوں سے نشانہ بنایا۔ شام کی نیوز ایجنسی کے مطابق صیہونی دشمن نے رات 8 بجے کے قریب حلب کے بین الاقوامی ہوائی اڈے کو میزائل سے نشانہ بنایا، جس سے تنصیبات کو نقصان پہنچا۔ تاہم کسی قسم کا جانی نقصان نہیں ہوا۔ برطانیہ میں قائم سیریئن آبزرویٹری فار ہیومن رائٹس نے کہا ہے کہ4 اسرائیلی میزائلوں نے ہوائی اڈے کے رن وے اور ڈپو کو نشانہ بنایا۔ نیوز ایجنسی کے مطابق فوج کے دفاعی سسٹم نے دمشق اور اس کے دیہی علاقوں پر داغے گئے متعدد میزائلوں کو مار گرایا۔
