Raza Musani 
نیویارک : اقوام متحدہ کی امدادی ایجنسی انروا کے سربراہ فلپ لازارینی نے کہا ہے کہ اسرائیل نے غزہ کی پٹی میں جنگ کے تمام قوانین کی خلاف ورزی ہے۔ فلپ لازارینی نے کہا کہ گذشتہ چودہ ماہ سے غزہ پر وحشیانہ حملے جاری ہیں۔ اسکولوں اور اسپتالوں پر حملے معمول بن چکے ہیں۔ دنیا کو بے حس نہیں ہونا چاہیے۔ لازارینی نے کہاکہ جنگوں کے بھی کچھ اصول ہوتے ہیں لیکن اسرائیل نے غزہ جنگ میں تمام اصولوں کو توڑ دیا۔ انہوں نے کہا کہ غزہ میں جنگ بندی عرصے سے تعطل کا شکار ہے۔ شہریوں کے تحفظ کیلئے حملوں کو روکا جائے۔
واضح رہے کہ 7 اکتوبر 2023 کو غزہ پر نسل کشی کی جنگ شروع کی جس میں 45,200 سے زیادہ فلسطینی شہید ہیں. جن میں زیادہ تر خواتین اور بچے ہیں۔
