Raza Musani 
تہران: ایرانی پاسدارانِ انقلاب نے عراقی کردستان میں حملے کرکے دہشت گردوں کے 42 ٹھکانوں کو تباہ کردیا۔ پاسداران انقلاب اسلامی کی زمینی افواج کے کمانڈر بریگیڈیئر جنرل محمد پاکپور نے بتایا کہ تازہ ترین حملوں میں دہشتگردوں کے ٹھکانوں پر 73 بیلسٹک میزائل اور درجنوں خودکش ڈرون داغے گئے، ان حملوں کے نتیجے میں اہداف کو مکمل تباہ کردیا گیا۔ انہوں نے وضاحت کی کہ یہ اہداف 42 پوائنٹس پر بکھرے ہوئے تھے اور ان میں بعض ایک دوسرے سے 400 کلومیٹر کےفاصلےپر تھے۔ کرد حکام کا کہنا ہے کہ ایران کے ڈرون حملوں میں کرد ایرانی مخالف گروپ کے 13 افراد ہلاک اور 58 سے زائد زخمی ہوگئے۔ جن میں سے متعدد کی حالات تشویشناک بتائی جارہی ہے۔
