Ilyas 
مشقوں کا اولین ہد ف امریکی فوج کی کسی بھی چھاتہ بردار کارروائی کو ناکام بنانا اور اس سے نمٹنے کیلئے تیار رہناہے، مشقیں قصبہ جرف النصر میں ہورہی ہیں
امریکی اقدامات عراقی عوام کی استقامت کو متاثرنہیں کرسکتے، عراق پر تسلط جمانے کی کوششوں کو استقامتی تحریکوں کا سامنا کرنا پڑے گا،کتائب حزب اللہ
نجف (نیوز ڈیسک) عراق میں کتائب حزب اللہ نے کسی بھی ہنگامی صورتحال سے نمٹنے کیلئے عسکری مشقیں "کوؤں کا شکار”شروع کردیں، مشقوں میں جدید ترین ہتھیاروں سے لیس رضاکار فورس کے ہزاروں اہلکار حصہ لے رہے ہیں ان مشقوں کا مقصد دشمن کے چھاتہ برداروں کو روکنا اور زمین پر موجود دشمن کا مقابلہ کرناہے، یہ مشقیں بغداد سے 60 کلومیٹر دور قصبہ جرف النصر میں ہورہی ہیں،کتائب حزب اللہ کے ترجمان جعفر الحسینی نے بتایا کہ ان مشقوں کے چار اہداف ہیں جس میں اولین ہد ف امریکی فوج کی کسی بھی چھاتہ بردار کارروائی کو ناکام بنانا اور اس سے نمٹنے کیلئے تیار رہناہے،مشقوں کے دوران بعض ہتھیاروں کے تجربات بھی کئے جائیں گے،انہوں نے کہا کہ امریکا عراقی فوج اور عوامی رضاکار فورس کی چھاؤنیوں میں اپنے چھاتہ بردار فوجی اتار کر ان پر قبضہ کرنا چاہتا ہے، کتائب حزب اللہ نے کہا ہے کہ امریکی اقدامات عراقی عوام کی استقامت کو متاثرنہیں کرسکتے، عراق پر تسلط جمانے کی امریکا کی تمام کوششوں کو استقامتی تحریکوں اور گروہوں کا سامنا کرنا پڑے گا اور امریکا کی ساری کوششیں اس چٹان کے مقابلے میں ناکام ہوجائیں گی، کتائب حزب اللہ نے ایران پر نئی پابندیوں کی جانب اشارہ کرتے ہوئے کہا کہ دنیا امریکی اقدامات سے کہ جن میں جنگ،دہشت گردی اور سازشوں کے سوا کچھ بھی نہیں، تنگ آ چکی ہے۔
