Raza Musani 
لندن : عراق اور برطانیہ نے پندرہ ارب ڈالر کا تجارتی اور دفاعی معاہدہ کرلیا۔ عراقی وزیرِ اعظم محمد شیاع السوڈانی اور برطانوی ہم منصب کیئر اسٹارمر کے درمیان ٹین ڈاؤننگ اسٹریٹ کے دفاتر میں ملاقات کے بعد معاہدے کا اعلان کیا گیا۔ دونوں رہنماؤں نے تجارت اور سرمایہ کاری، تعلیمی اور ثقافتی تعلقات کو گہرا کرنے کے عزم کا اعادہ کیا اور سلامتی، نقل مکانی اور موسمیاتی تبدیلی کے چیلنجوں سے نمٹنے کیلئے نئی شراکت داری کے ذریعے خوشحال، خودمختار عراق کے وژن پر اتفاق کیا۔ سودانی اور اسٹارمر نے دفاعی معاہدے پر بھی دستخط کیے جو سکیورٹی تعاون میں ایک نئے دور کی بنیاد ہے۔
