Raza Musani 
اسلام آباد: ایرانی صدر ابراہیم رئیسی پیر کو پاکستان پہنچیں گے۔ ایرانی صدر کی سیکیورٹی ٹیم دورے سے قبل انتظامات کا جائزہ لینے اسلام آباد پہنچ گئی۔ ایرانی سفیر رضا امیری مقدم کی ایڈیشنل سیکریٹری خارجہ رحیم حیات سے ملاقات ہوئی جس میں ایرانی صدر کے دورے سے متعلق امور کا جائزہ لیا گیا۔ ایرانی صدر دورہ پاکستان میں صدر آصف علی زرداری، وزیراعظم شہباز شریف اور عسکری قیادت سے ملاقاتیں کریں گے۔ ذرائع کا کہنا ہے کہ ایرانی صدر کے دورہ پاکستان کے دوران دو طرفہ امور اور پاک ایران گیس پائپ لائن سمیت مشرق وسطیٰ کی بدلتی ہوئی صورتحال پر بھی تبادلہ خیال کیا جائے گا۔
