ایرانی حکومت کا شہریوں کو ماہانہ مہنگائی الاؤنس دینے کا اعلان

تہران : ایرانی حکومت نے شہریوں کو معاشی دباؤ سے نکالنے کے لیے ماہانہ الاؤنس دینے کا اعلان کردیا۔ حکومتی ترجمان فاطمہ مھاجرانی نے کہا کہ شہریوں کو چار ماہ تک دس لاکھ تومان تقریباً سات ڈالر کی رقم ملے گی۔ انہوں نے کہا کہ رقم ہر ایرانی شہری کو دی جائے گی جس سے وہ ضرورت کا سامان خرید سکتے ہیں اور اس اقدام کا مقصد لوگوں پر سے معاشی دباؤ کو کم کرنا ہے۔
ادھر اسلام آباد میں ایرانی سفارتخانے نے کہا ہے کہ احتجاجی تاجروں نے حکومت سے معاملات طے ہونے پر احتجاج ختم کرنے کا اعلان کردیا۔ بیان میں کہا گیاہےکہ اسرائیل اور امریکا نے احتجاج کو ہوا دینے کیلئے مظاہرین کی حمایت کی ملک بھر میں امن و امان برقرار ہے۔ انٹر نیٹ سروسز بحال کردی گئیں۔