Raza Musani 
میونخ : ایرانی وزیر خارجہ حسین امیرعبداللہیان نے لبنانی وزیر اعظم نجیب میقاتی سے ملاقات کی اور مختلف امور پرتبادلہ خیال کیا۔ یہ ملاقات میونخ سیکیورٹی کانفرنس کے 58 ویں اجلاس کے موقع پر ہوئی۔ ایرانی وزیر خارجہ نے اس ملاقات میں ایرانی اور لبنانی عوام کے گہرے برادرانہ اور دوستانہ تعلقات کی طرف اشارہ کرتے ہوئے کہا کہ ایران لبنان میں سیاسی اور اقتصادی استحکام کا خواہاں ہے۔ امیر عبداللہیان نے کہا کہ لبنان میں سیاسی استحکام کے لئے ضروری ہے کہ غیر علاقائی طاقتیں لبنان کے امور میں مداخلت نہ کریں۔ اس ملاقات میں لبنان کے وزیر اعظم نجیب میقاتی نے بھی لبنان میں پائیدار سیاسی اور اقتصادی استحکام پر تاکید کرتے ہوئے کہا کہ ہم لبنانی حکومت اور عوام ک طرف سے ایران کی بے لوث حمایت پر شکریہ ادا کرتے ہیں۔ لبنان کے وزیر اعظم نے کہا کہ لبنان ایران کے ساتھ تمام شعبوں میں باہمی تعلقات کو فروغ دینے کا خواہاں ہے۔
