Raza Musani 
تہران : ایران کی سپریم نیشنل سکیورٹی کونسل کے سیکریٹری محمد باقر ذوالقدر نے کہاہےکہ ایران ہتھیار ڈالے گا اور نہ ہی پسپائی اختیار کرے گا۔ یہ بات عسکری محاذ، سفارتی میدان اور عوامی مزاحمت سے ثابت ہو چکی ہے۔ ایرانی عوام کے نام اپنے پیغام میں محمد باقر ذوالقدر نے کہا ہے کہ ایران کسی دباؤ کے سامنے پیچھے نہیں ہٹے گا۔ ایرانی عوام نے سڑکوں پر اپنی مضبوط موجودگی اور استقامت سے دشمن کو ناکام بنایا۔ ایرانی عہدیدار کے مطابق موجودہ حالات میں ملک کو پہلے سے زیادہ اتحاد اور یکجہتی کی ضرورت ہے تاکہ امریکا اور صیہونی عناصر اپنے مقاصد میں کامیاب نہ ہو سکیں۔ انہوں نے زور دیا کہ ہر ایسے بیان اور عمل سے گریز کیا جائے جو داخلی یکجہتی کو نقصان پہنچا سکتا ہو۔ ان کا کہنا تھا کہ مشترکہ قومی کوششیں ایران کو حتمی کامیابی سے ہمکنار کریں گی۔
