Raza Musani 
واشنگٹن : ایران نے خبردار کیا ہےکہ اگر حملہ ہوا تو یورینیم افزودگی نوے فیصد تک لے جائیں گے۔ امریکی نیوز چینل سی این این نے رپورٹ دی ہے کہ صدر ڈونلڈ ٹرمپ نے ایران کے ساتھ جاری مذاکرات پر شدید مایوسی کا اظہار کرتے ہوئے فوجی کارروائیاں دوبارہ شروع کرنے پر سنجیدگی سے غور شروع کر دیا ہے۔ سی این این کے مطابق ٹرمپ ایران کے رویے اور آبنائے ہرمز کی مسلسل بندش پر برہم ہیں۔ امریکی میڈیا رپورٹ کے مطابق ڈونلڈ ٹرمپ ایران کے ساتھ جنگ بندی اور امن مذاکرات کے مستقبل کے حوالے سے سخت تشویش میں مبتلا ہیں۔
ادھر ایران کی پارلیمانی قومی سلامتی و خارجہ پالیسی کمیشن کے ترجمان ابراہیم رضائی کا کہنا ہے نئے حملے کی صورت میں ایران کے ممکنہ آپشنز میں سے ایک نوے فیصد یورینیم افزودگی بھی ہوسکتی ہے۔ ابراہیم رضائی نے کہا کہ اس نوے فیصد یورینیم افزودگی کے ممکنہ آپشن پر پارلیمان میں جائزہ لیں گے۔
