ایران امریکا مذاکرات، افزودگی، ہرمز، پابندیوں کا خاتم اہم مسائل

اسلام آباد: امریکا اور ایران کے درمیان اسلام آباد مذاکرات میں یورنیم افزودگی۔ آبنائے ہرمز اور پابندیوں کے خاتمے جیسے پیچیدہ مسائل حاوی رہیں گے۔ امریکا اور ایران کے درمیان مذاکرات دو مختلف تجاویز کے گرد ترتیب دئے گئے ہیں۔ ایران نے دس نکاتی جبکہ امریکا نے پندرہ نکاتی منصوبہ پیش کیا ہے۔ امریکا اس بات کی مضبوط یقین دہانیوں کا مطالبہ کر رہا ہے کہ تہران جوہری ہتھیار تیار نہیں کرے گا۔ صفر یورینیم افزودگی اور ایٹمی توانائی ایجنسی کی سخت نگرانی بھی شامل ہے۔ ایران کی جانب سے پرامن جوہری سرگرمیوں کے حق کو تسلیم کرنا اہم شرائط میں شامل ہے۔ ایران تمام پابندیوں کے فوری اور مکمل خاتمے کے ساتھ بیرونِ ملک منجمد اپنے مالی اثاثوں کی واپسی کا مطالبہ کر رہا ہے۔ ایران نے خطے سے امریکی افواج کے انخلاء اور عدم جارحیت کی باضابطہ ضمانت کا مطالبہ بھی کیا ہے۔ ماہرین کہتے ہیں مذاکرات میں کسی بڑی پیش رفت کی فوری توقع نہیں لیکن مذاکرات جاری رہنے کا امکان ہے جس کا مطلب جنگ بندی میں توسیع بھی ہو سکتا ہے۔