Raza Musani 
تہران : ثالثوں نے عبوری معاہدے کی بحالی کےلیے ایران کو 10 روزہ جنگ بندی کی تجویز دی ہے۔ ایرانی عہدیدار نے بتایا کہ جنگ بندی کا مقصد مفاہمتی یادداشت کو بحال کرنے کے طریقے تلاش کرنا ہے۔ ایرانی عہدیدار کے مطابق جنگ بندی تجویز میں آبنائے ہرمز کو 10 دنوں سے لیکر 2 ہفتوں کیلئے کھولنے پر غور کیا جارہا ہے۔
ایرانی وزارت خارجہ کے ترجمان اسماعیل بقائی نے تصدیق کی کہ امریکہ کے ساتھ کشیدگی میں کمی کے لیے مختلف ثالثوں کی جانب سے تجاویز ہوئی ہیں۔ وہ فی الوقت ان کی تفصیلات بیان کرنا مناسب نہیں سمجھتے۔ بقائی کا کہنا تھا یہ بات واضح ہے کہ ثالث مزید کشیدگی کو روکنے کے لیے سرگرم ہیں۔ انہوں نے کہا کہ تہران سفارتی کوششوں کے ساتھ ساتھ فوجی ردِ عمل بھی جاری رکھے گا۔ اور امریکہ کے جرائم کو روکنے میں کوئی کسر نہیں چھوڑے گا۔ ان کا کہنا تھا کہ جہاں ایک طرف ایران کی مسلح افواج پوری قوت کے ساتھ امریکی جارحیت کا جواب دے رہی ہے وہیں ملک کا سفارتی نظام بھی مکمل طور پر متحرک ہے۔
