Raza Musani 
تہران : ایران میں گرلز اسکولوں پر زہریلی گیس کے حملوں میں ملوث سو سے زائد افراد کو گرفتار کرلیا گیا۔ ایران میں انٹیلی جنس ایجنسیوں۔ پولیس اور دیگر متعلقہ اداروں نے زہریلی گیس کے حملوں کے ملزمان کی گرفتاری کیلئے مشترکہ کارروائیاں کیں۔ تہران، قم، زنجان، خوزستان، ہمدان، فارس، گیلان سمیت کئی صوبوں میں آپریشن کے دوران سو سے زائد افراد کو شناخت کے بعد حراست میں لے لیا گیا۔ ملزمان نے عوام اور طلباء میں دہشت پھیلانے۔ لڑکیوں کے اسکولوں کی بندش اور نظام سے متعلق شکوک و شبہات پیدا کرنے کیلئے اسکولوں پر زہریلی گیس کے حملے کئے۔ ملزمان میں ایسے افراد بھی شامل ہیں جنہوں نے شرارت۔ ایڈونچر یا اسکول کی چھٹی کرانے کی نیت سے بدبودار اور بے خطر مواد کا استعمال کیا۔ حکام کا کہنا ہے کہ گرفتاریوں کے بعد تفتیش کا دائرہ وسیع کردیا گیا ہے تاکہ ملزمان کے ملک دشمن تنطیموں سے رابطوں کا پتہ لگایا جاسکے۔
