Raza Musani 
تہران : ایران نے تین دہشت گردوں کو پھانسی دے دی جنہیں 2019 میں صوبے سیستان، بلوچستان میں بم دھماکے کرنے کا مجرم قرار دیا گیا تھا۔ یہ بات عدالت کی طرف سے جاری ایک بیان میں بتائی گئی۔ تینوں دہشت گردوں کو 2019 میں صوبہ سیستان بلوچستان کے دارالحکومت زاہدان میں ایک پولیس اسٹیشن اور ایک گشتی گاڑی کو نشانہ بنانے والے بم حملوں کے مجرم پائے جانے کے بعد موت کی سزا سنائی گئی تھی۔ صوبے کے چیف جسٹس علی مصطفویان نے بتایا کہ مجرموں کو فوجی تربیت حاصل کرنے، بم بنانے والے مواد کی منتقلی اور چھپانے پر بھی سزا سنائی گئی ہے۔
