Raza Musani 
بغداد : عراق کی مزاحمتی تنظیم اسلامک ریزسٹنس اِن عراق نے امریکا اور اسرائیل کے خلاف ایران کی حمایت کو اخلاقی فریضہ قرار دے دیا ہے۔ تنظیم نے امریکا پر عراق کی خودمختاری میں مداخلت اور ایرانی سرحد کے ساتھ فضائی حدود کی خلاف ورزیوں کے الزامات بھی عائد کیے ہیں۔ تنظیم نے ایک بیان میں ایران کے خلاف جاری تنازع کو حق اور باطل کی جنگ قرار دیا۔
تنظیم نے الزام عائد کیا کہ واشنگٹن عراق کو ایران کے ساتھ سرحدی گزرگاہیں اور فضائی راستے بند کرنے کے فیصلوں پر مجبور کر رہا ہے، جو عراق کی خودمختاری اور آزادی کے منافی ہے۔بیان میں مزید کہا کیا گیا کہ امریکی افواج نے 30 ستمبر سے 23 اکتوبر کے دوران عراق کی فضائی حدود کی 171 مرتبہ خلاف ورزی کی۔ تنظیم نے ان مبینہ خلاف ورزیوں کو واشنگٹن کی جانب سے بغداد کے ساتھ کیے گئے وعدوں کی خلاف ورزی قرار دیا، اسلامک ریزسٹنس اِن عراق نے کہا کہ خطے میں جاری کشیدگی کے دوران عراق کی خودمختاری کا احترام کیا جانا چاہیے اور ایران کے خلاف امریکی و اسرائیلی کارروائیوں کے تناظر میں عراقی عوام اور مزاحمتی قوتوں کا مؤقف اہمیت رکھتا ہے۔
